حسن الخلق من قبل الإدارة و الاستقبال ، الإدارة عربيه من ضمن الموظفين الودودين الاستاذ غازي لبناني الجنسية وعبدالسلام مغربي الجنسية و الإخ أنس كذلك الفطور حلال لكن محدود نوعا ما موقع الفندق إستراتيجي قريب لمطاعم تركيه تحت الفندق ساحة جميله اطلالات الفندق جميله جدا و نهر الراين تحت الفندق مباشره و الكورنيش و المقاهي يطل عليها الفندق و يوجد عبارة للسيارات و الناس تنقلك على الضفة المقابلة للنهر ومسطحات خضراء و غرف الفندق واسعة جدا مقارنة بغيره من ناحية السعر يوجد شطاف أجلكم الله في بعض الغرف و الغرف الثانية الكرسي قريب للمروش معادلة متقاربة و اللبى صغير و أنيق و مطل على النهر و السي لايف و يوجد باللبي شاهي و قهوه و مويه مجانا على 24 ساعة حتى شاهي الوزه موجود بدون مبالغه المهم بتنبسط مافيه تقيد في النظام الأوروبي خصوصا مع العرب يبعد عن المطار 26 دقيقة و عندك القطار قريب لو بغيت القطار في ظرف دقيقتين المقاهي على الكورنيش يمينك و يسارك و الحي امان بإذن الله شخصيا سكنت 8 أيام من أروع ما يكون بالنسبه للاستقبال ممكن يخدمونك في أشياء ليس لها علاقة بعملهم بدون مقابل يوجد شاشة تلفزيون في المدخل بيعرضون فيها مباريات الدوري الخليجي يعني خدمات 5 نجوم بالنسبه للسي لايف هذا جنب الفندق داخله أحواض سمك يعني الحياة البحرية و فيه مطعم حتى اللي يحب يروح الجبال خلف الحي حق الفندق الواي فاي مجانا داخل الغرف و سريع

الأثاث قديم شوي خصوصا بطانات المخدات متواضع نوعا ما بعض أبواب الدواليب فيها كسر واضح تحس بعض الغرف واسعه مع عدم استغلال المساحه الافياش قليله مقارنة بغيره من الفنادق الأسلاك واضحه مع ان المفروض فنيا ما يكون كذا الستائر رابطينها بقطع من نفس القماش لكنها ليست ربطه خاصه يعني فيه ترقيع شوي لكن صراحة التعامل ينسيك كل الأمور هذي

الفندق فوق الممتاز والطاقم رائع جداً جداً وقمه في الاخلاق ،،، الطاقم عربي ،،، والافطار رائع ولذيذ ،،، والخدمة ممتازه ،،، والموقع مطل على النهر ولكن يبعد عن السنتر تقريباً ١٠ دقائق بالسياره والتكاسي متوفره ،،، مساحة الغرف واسعه جداً وممتازه ونظيفه ،،، والاسعار مناسبه ،،، القهوه والشاي متوفره في اللوبي على مدار ٢٤ ساعه ،،، الطاقم متعاون ويساعدونك بكل شي تبيه ،،، انصح فيه بشده

لاشيئ